ધોરાજીમાં મોટરસાયકલ સાથે ડમ્પર અથડાતા દાદી-પૌત્રનું ઘટના સ્થળે મોત

ધોરાજીમાં મોટરસાયકલ સાથે ડમ્પર અથડાતા દાદી-પૌત્રનું ઘટના સ્થળે મોત

છેલ્લા બે વર્ષથી જૂનાગઢનો રોડ ખખડધજ હાલતમાં અનેકના ભોગ લેવાયા: પરિવાર સહિત લોકોમાં તંત્ર સામે નારાજગી

અગ્ર ગુજરાત, ધોરાજી

ધોરાજીના જુનાગઢ રોડ ઉપર મોટરસાયકલ સાથે ડમ્પર અથડાતા દાદી પૌત્ર નું ઘટના સ્થળે મોત

ધોરાજી થી જુનાગઢ જતો હાઇવે છેલ્લા બે વર્ષથી રેલ્વે ઓવરબ્રિજ ના કારણે ખખડધજ રસ્તાઓ છે જેના કારણે અનેક અકસ્મતો થઈ રહ્યા છે ગયા વર્ષે બે મોટા વાહનો પલટી મારી ગયા હતા તેમજ નાના મોટા વાહનો અનેક વખત અકસ્માતો ને કારણ અનેક લોકોની ઈજાઓ થઈ રહી છે ત્યારે મંગળવારે આજરોજ સવારના સમયમાં ધોરાજી તાલુકાના મોટી પરબડી ગામ ખાતેથી આવી રહેલ માતા પુત્ર અને દોઢ વર્ષના પુત્ર મોટર સાયકલ લઈને આવતા હતા ત્યારે જુનાગઢ તરફથી રેતી ભરેલા ટેમ્પરે અચાનક મોટરસાયકલને હડફેટે લેતા મોટરસાયકલ ચાલક ફગોળાઈ જતા તેમની સામે જ તેમના માતા અને તેના દોઢ વર્ષના પુત્ર નું ઘટના સ્થળે જ ડમ્પર ના વ્હીલમાં આવી જતા મોત થયું હતું

જે ઘટના અંગે ધોરાજી તાલુકાના ઇન્ચાર્જ પોલીસ ઇન્સ્પેક્ટર ભાવેશ પટેલ એ માહિતી આપતા જણાવેલ કે ધોરાજીના જુનાગઢ રોડ પાસે અને ધોરાજી તાલુકાના મોટી પરબડી ગામ ખાતે દેવીપુજક સમાજના રાકેશ રાજુભાઈ દેવીપુજક એ પોતા ના મોટરસાયકલ લઈને ધોરાજી તરફ આવતા હતા તેમના મોટરસાયકલમાં તેમની માતા સોમીબેન રાજેશભાઈ સોલંકી ઉંમર વર્ષ 42 અને તેમનો દોઢ વર્ષનો પુત્ર પ્રિન્સ રાકેશભાઈ સોલંકી ત્રણ સવારીમાં ધોરાજી તરફ આવતા હતા ત્યારે અચાનક પાછળના ભાગથી રેતી ભરેલા ડમ્પરે હર્ડ ફેટે લેતા મોટરસાયકલ ફંગોળાઈ ગયું હતું જ્યારે ચાલકના માતા સુમીબેન રાજેશભાઈ સોલંકી અને તેમનો પુત્ર પ્રિન્સ રાકેશભાઈ સોલંકી બંને ડમ્પર ના ટાયરના જોટામાં આવી જતા ઘટના સ્થળે જ કમ કમાટી ભર્યું મોત થયું હતું આ ઘટનાની જાણ તાલુકા પોલીસને અમોને થતા તાત્કાલિક ઘટના સ્થળે પહોંચ્યા હતા અને 108 મારફતે ધોરાજી સરકારી હોસ્પિટલ ખાતે લાવવામાં આવેલ જ્યાં સ્થળ ઉપરના તબીબ એ માતા અને પૌત્રને મૃત જાહેર કર્યા હતા ત્યારે મોટરસાયકલ ચાલક રાકેશભાઈ ને ઈજા થતાં સારવારમાં દાખલ કર્યા હતા

ઉપરોક્ત બનાવ બાબતે રાકેશભાઈ રાજુભાઈ દેવીપુજક એ ધોરાજી તાલુકા પોલીસ સ્ટેશન ખાતે અજાણ્યા ડમ્પર ચાલક વિરુધ્ધ ફરિયાદ નોંધાવતા ગુનો નોંધવામાં આવેલ છે. જ્યારે પોલીસ સૂત્રોમાંથી મળતી માહિતી મુજબ ડમ્પર ચાલક પોતાનો ડમ્પર મૂકીને નાસી ગયો છે પોલીસે આરોપીની શોધ કરવા માટે ચક્ર ગતિમાન કર્યા છે. ઉપરોક્ત બનાવવા અંગે તાલુકા ઇન્ચાર્જ પીઆઇ ભાવેશ પટેલના માર્ગદર્શન હેઠળ તપાસ ચાલી રહી છે.