- રાષ્ટ્રપતિ પદની ચૂટણીમાં ભારતીય સંસ્કૃતિ અને હિન્દીની બોલબાલા
- ભારતીય-અમેરિકનોના એક ગ્રુપે ચૂંટણી કેમ્પેન માટે વેબસાઇટ શરૂ કરી
- 2016માં ટ્રમ્પની પ્રચાર ટીમે ‘આ વખતે, ટ્રમ્પ સરકાર’ નારો આપ્યો હતો
અમેરિકામાં રાષ્ટ્રપતિ પદની ચૂટણીમાં ભારતીય સંસ્કૃતિ અને હિન્દીની બોલબાલા જોવા મળી રહી છે. ડેમોક્રેટિક પાર્ટી દ્વારા કમલા હેરિસને ઉમેદવાર જાહેર કરવામાં આવતાં તેમના સમર્થકો ખૂબ જ ઉત્સાહિત છે. તેમાં ભારતીય મૂળના લોકો પણ છે. ભારતીય-અમેરિકનોના એક ગ્રુપે ચૂંટણી કેમ્પેન માટે એક વેબસાઇટ શરૂ કરી છે. તેનું નામ છે DesiPresident.com અને તેની ટેગલાઈન છે ‘કમલા કે સાથે’.
ભારત સાથે હરિસનો ખાસ સંબંધ
કમલા હેરિસનો ભારત સાથે ખાસ સંબંધ છે. તેની માતા મૂળ ચેન્નાઈની હતી. જેઓ બાદમાં અમેરિકામાં સ્થાયી થયા હતા. તેમના પિતા જમૈકાના હતા, જેઓ અમેરિકામાં જઈને સ્થાયી થયા હતા. ભારતીય-અમેરિકન લોકો ખૂબ જ ઉત્સાહિત છે કે તેમના સમુદાયમાંથી કોઈને રાષ્ટ્રપતિ પદ માટે ઉમેદવાર જાહેર કરવામાં આવ્યા છે.
વચન છે કે આપણે સાથે મળીને ઈતિહાસ રચીશું
આ ગ્રુપ દ્વારા શરૂ કરવામાં આવેલી વેબસાઈટ પર કહેવામાં આવ્યું છે કે, આવનારા મહિનાઓ ખૂબ જ રોમાંચક રહેશે. વચન છે કે આપણે સાથે મળીને ઈતિહાસ રચીશું. તમારા લોકોના સહયોગ અને ભાગીદારી અમારી સફળતા માટે સૌથી મહત્વપૂર્ણ છે. આ ભારતીય અમેરિકન ઈમ્પેક્ટ ફંડની પહેલ છે. જેણે ધ દેસી પ્રેસિડેન્ટની વેબસાઈટ પર ‘કમલા કે સાથે, વોટ કમલા’ ટેગલાઈન સાથેનું ટી-શર્ટ બહાર પાડ્યું છે. જે સોશિયલ મીડિયા પર ખૂબ ચર્ચામાં છે.
અમેરિકાના રાષ્ટ્રપતિ ચૂંટણીમાં ભારતીય પરંપરા
આ પહેલીવાર નથી જ્યારે અમેરિકાના રાષ્ટ્રપતિની ચૂંટણી પ્રચારમાં હિન્દીનો ઉપયોગ કરવામાં આવ્યો હોય. 2016ની ચૂંટણીમાં ડોનાલ્ડ ટ્રમ્પની પ્રચાર ટીમે ‘આ વખતે, ટ્રમ્પ સરકાર’ નારાનો ઉપયોગ કર્યો હતો. આ ચૂંટણીમાં ભારતીય પરંપરાનો પ્રભાવ પણ જોવા મળી રહ્યો છે.
ડેમોક્રેટિક નેશનલ કન્વેન્શનમાં વૈદિક પ્રાર્થના કરાઈ હતી
અમેરિકાના શિકાગોમાં ડેમોક્રેટિક નેશનલ કન્વેન્શન યોજાઈ રહ્યું છે. તેના ત્રીજા દિવસની શરૂઆત વૈદિક પ્રાર્થનાથી સાથે થઈ હતી. પૂજારીએ દેશની પ્રગતિ માટે પ્રાર્થના કરી હતી. આ પૂજા કરનાર પુજારી ભારતીય મૂળના રાકેશ ભટ્ટ છે. તેમણે કહ્યું કે, દરેક વ્યક્તિએ પોતાના અંગત મતભેદોને બાજુ પર રાખીને દેશની હિત માટે એક થવું પડશે.
