- ગાંધીનગરમાં ડ્રોન પર પ્રતિબંધ
- 19 નવેમ્બરના રોજ અમલમાં રહેશે પ્રતિબંધ
- પીએમ મોદી આવશે ગુજરાત
ગાંધીનગરમાં આવતીકાલે એટલે કે તા 19 નવેમ્બર, 2023ના રોજ આકાશમાં કોઈ પણ ડ્રોન કે અન્ય શંકાસ્પદ વસ્તુને ઉડાડવાની મનાઈ ફરમાવવામાં આવી છે. મહત્વનું છે કે આ માટેનું જાહેરનામું ગાંધીનગર જિલ્લા વહીવટી તંત્ર દ્વારા બહાર પાડવામાં આવ્યું છે. આનું મુખ્ય કારણ અમદાવાદમાં આવતીકાલે ક્રિકેટ વર્લ્ડકપની ફાઈનલ મેચ અને ગુજરાતમાં પીએમ મોદીના આગમનને માનવામાં આવી રહ્યું છે.
મહત્વનું છે કે આ મામલે ગાંધીનગર તંત્ર દ્વારા એક નિર્ણય લેવામાં આવ્યો છે જેના અનુસાર ગાંધીનગરમાં ડ્રોન ઉડાડવા પર પ્રતિબંધ ફરમાવાયો છે. રાજભવન, મહાનુભાવોની અવરજવર વિસ્તાર તથા નરેન્દ્ર મોદી સ્ટેડિયમ આસપાસ ડ્રોન નહીં ઉડાડી શકાય. આ ઉપરાંત રાજભવન, VVIPની અવરજવર વિસ્તાર તથા નરેન્દ્ર મોદી સ્ટેડિયમ આસપાસ ડ્રોન નહીં ઉડાડી શકાય. રાજભવન ખાતે પીએમના રાત્રી રોકાણના કારણે રસ્તો પણ અવરજવર માટે બંધ રહેશે અને હેવી વ્હીકલને પણ ડાયવર્ઝન આપવામાં આવ્યું છે. આ નિર્ણય અનુસાર ગાંધીનગર અને નરેન્દ્ર મોદી સ્ટેડિયમ સહિતના આસપાસના વિસ્તારને નો ફ્લાય ઝોન જાહેર કરાયો છે, એટલે કે કોઈ પણ શંકાસ્પદ વસ્તુ ઉડતી દેખાઈ તો તેના માલિક અને ઉડાવનારા પર કાર્યવાહી કરવામાં આવશે.
ફાઈનલ મેચ દરમિયાન કોઈ અનિચ્છનિય બનાવ ન બને તે માટે તંત્ર ખડે પગે છે. ફાઇનલ મેચના દિવસે સ્ટેડિયમમાં પ્રેક્ષકોને કોઈપણ પ્રકારની વધારાની વસ્તુ સ્ટેડિયમની અંદર લઈ જાય તે માટે સ્ટેડિયમ ઓથોરિટી અને પોલીસ દ્વારા આ વસ્તુઓ પર પ્રતિબંધ લગાવવામાં આવ્યું છે. પીએમ મોદીના ગુજરાત પ્રવાસને લઈ ગાંધીનગર જિલ્લામાં રીમોટ કંટ્રોલથી ચલાવવામાં આવતા ડ્રોન, કવાડ કોપ્ટર, પાવર એરક્રાફટ તેમજ માનવ સંચાલિત માઇક્રો લાઇટ એરક્રાફટ, પેરાગ્લાઇડર, પેરા મોટર તેમજ હોટ એર બલુન તથા પેરા જમ્પીંગ જેવી હવામાં ઉંચે ઉડાડી શકાય તેવી ચીજ વસ્તુને ઉંચે ઉડાવવા પર પ્રતિબંધ મુકાયો છે.
ઉલ્લેખનીય છે કે 19 નવેમ્બર, 2023ના રોજ વર્લ્ડકપ 2023 ની ફાઈનલ મેચ રમાઈ રહી છે. વિશ્વ કપની ફાઈનલ મેચમાં 20 વર્ષ બાદ ભારત અને ઓસ્ટ્રેલિયા વચ્ચે કડક મેચ જોવા મળશે. વર્લ્ડકપ ફાઇનલ મેચ જોવા માટે વડાપ્રધાન નરેન્દ્ર મોદી સહિતના અનેક મહાનુભાવો આવવાના હોવાથી સ્ટેડિયમની અંદર-બહાર ઉપરાંત ટ્રાફિકનો ત્રિપાંખિયો બંદોબસ્ત ગોઠવવામાં આવ્યો છે. સ્ટેડિયમની અંદર સુરક્ષા એજન્સીઓ અને પોલીસના 4 હજાર જવાનોનો બંદોબસ્ત ગોઠવવામાં આવ્યો છે. પીએમ મોદીના ગુજરાત પ્રવાસને લઈ ગાંધીનગર જિલ્લા વહીવટી તંત્રએ જાહેરનામું પણ બહાર પાડી દીધું છે.
ભારત-ઓસ્ટ્રેલિયા વચ્ચે રમાનાર ફાઈનલ મેચમાં વડાપ્રધાન નરેન્દ્ર મોદી ગુજરાતના પ્રવાસે આવનાર છે. સમગ્ર ગુજરાતમાંથી મોટી સંખ્યામાં લોકો ઉમટી પડશે ત્યારે દેશ વિરોધી સંગઠનો, આતંકવાદીઓ અને ભાંગફોડિયા તત્વો માનવ રહિત રીમોટ સંચાલિત વિમાન જેવા સાધનો અથવા નાની સાઇજના વિમાન જેવા સાધનો અથવા એરો સ્પોર્ટસમાં વપરાતા ઉપકરણોનો ગેરલાભ સુરક્ષા વ્યવસ્થાને હાની પહોંચાડી શકે તેમ છે. કાર્યક્રમવાળા સ્થળોએ રીમોટ કંટ્રોલથી ચલાવવામાં આવતાં ડ્રોન, કવાડ કોપ્ટર જેવી ચીજવસ્તુઓ ઉડાવવા પર પ્રતિબંધ મુકાયો છે.
