સ્વ.વિમલભાઈ પરમારની સ્મૃતિમાં મહારક્તદાન કેમ્પ યોજાયો : ૨૦૭ યુનિટ એકત્ર

સ્વ.વિમલભાઈ પરમારની સ્મૃતિમાં મહારક્તદાન કેમ્પ યોજાયો : ૨૦૭ યુનિટ એકત્ર

સાંસદ પરષોત્તમભાઈ રૂપાલા, ધારાસભ્ય ઉદયભાઈ કાનગડ, શહેર ભાજપ પ્રમુખ ડો. માધવ દવે  સહિતના  અગ્રણીઓની ઉપસ્થિતિ

અગ્ર ગુજરાત, રાજકોટ

રાજકોટ શહેરના વિધાનસભા-68 વિસ્તારમાં આવેલા આર્યનગર કોમ્યુનિટી હોલ ખાતે શહેર ભાજપના પૂર્વ ઉપપ્રમુખ રમેશભાઈ પરમારના પુત્ર સ્વર્ગસ્થ વિમલભાઈ પરમારના 34મા જન્મદિવસ નિમિત્તે મહારક્તદાન કેમ્પનું ભાવભીનાં વાતાવરણમાં સફળ આયોજન કરવામાં આવ્યું હતું. સ્વ. વિમલભાઈની પવિત્ર સ્મૃતિને સેવાકાર્ય દ્વારા જીવંત રાખવાના ઉદ્દેશ સાથે યોજાયેલા આ મહારક્તદાન કેમ્પમાં યુવાનો, મહિલાઓ તથા વિવિધ સામાજિક સંસ્થાઓના કાર્યકરો સહિત મોટી સંખ્યામાં રક્તદાતાઓએ ઉત્સાહભેર ભાગ લીધો હતો. સમગ્ર કેમ્પ દરમિયાન કુલ ૨૦૭ યુનિટ રક્ત એકત્ર કરવામાં આવ્યું, જે અનેક જરૂરિયાતમંદ દર્દીઓ માટે જીવનદાયી સાબિત થશે. આ નોંધપાત્ર પ્રતિસાદે સમાજમાં સેવા, સંવેદના અને માનવતાના મૂલ્યોને વધુ મજબૂત બનાવવાનો પ્રેરણાદાયી સંદેશ આપ્યો હતો. આ મહારક્તદાન કેમ્પમાં મોટી સંખ્યામાં યુવાનો અને રક્તદાતાઓએ ઉત્સાહભેર ભાગ લઈ માનવસેવાનો ઉત્તમ સંદેશ આપ્યો હતો.

આ પ્રસંગે રાજકોટના સાંસદ પરષોત્તમભાઈ રૂપાલા, ધારાસભ્ય ઉદયભાઈ કાનગડ, શહેર ભાજપ પ્રમુખ ડો. માધવભાઈ દવે, રાજ્યના પૂર્વ મંત્રી ગોવિંદભાઈ પટેલ, અરવિંદભાઈ રૈયાણી, પૂર્વ ધારાસભ્ય લાખાભાઈ સાગઠિયા, રાજકોટ જિલ્લા પંચાયત પ્રમુખ સંજયભાઈ પીપળીયા, મહામંત્રી વલ્લભભાઈ દૂધાત્રા, યોગેન્દ્રસિંહ જાડેજા, પૂર્વ પ્રમુખ નીતિનભાઈ ભારદ્વાજ, કમલેશભાઈ મીરાણી, પૂર્વ મહામંત્રી કિશોરભાઈ રાઠોડ, અશ્વિનભાઈ મોલીયા, વીરેન્દ્રસિંહ જાડેજા, સ્ટેન્ડિંગ કમિટી ચેરમેન પરેશ પીપળીયા, શાસક પક્ષના નેતા હિરેન ખીમાણિયા, નગર પ્રાથમિક શિક્ષણ સમિતિ ચેરમેન વિક્રમ પૂજારા, રાજકોટ તાલુકા પંચાયત પ્રમુખ કેયૂરભાઈ ઢોલરીયા, મહામંત્રી અજયભાઈ મકવાણા, કારોબારી ચેરમેન પ્રવીણભાઈ મેઘાણી, શહેર ભાજપના હોદ્દેદારો, વિવિધ મોરચાના પ્રમુખ-મહામંત્રીઓ, વોર્ડના હોદ્દેદારો, કોર્પોરેટરો, શહેર ભાજપ ના પૂર્વ હોદેદારો, રાજકોટ તાલુકા ભાજપ ના હોદેદારો , શિક્ષણ સમિતિ, જિલ્લા પંચાયત અને તાલુકા પંચાયતના સદસ્યો, સમસ્ત કોળી સમાજના આગેવાનો, વિવિધ સામાજિક સંસ્થાઓના પ્રતિનિધિઓ તથા કાર્યકરો વિશેષ ઉપસ્થિત રહ્યા હતા. ઉપસ્થિત તમામ મહાનુભાવોએ સ્વ. વિમલભાઈ પરમારને શ્રદ્ધાંજલિ અર્પણ કરી અને માનવસેવાના આ પવિત્ર કાર્યને સતત આગળ વધારવાનો સંકલ્પ વ્યક્ત કર્યો હતો.