રામભાઈ મોકરીયા સહિતના ચાર રાજ્ય સભાના સાંસદોનો કાર્યકાળ પૂર્ણ, તા.૧૮ જૂને થશે ચૂંટણી

રામભાઈ મોકરીયા સહિતના ચાર રાજ્ય સભાના સાંસદોનો કાર્યકાળ પૂર્ણ, તા.૧૮ જૂને થશે ચૂંટણી

ચૂંટણી આયોગ દ્વારા કાર્યક્રમ જાહેર: તા.૮ જૂન સુધી ઉમેદવારો ફોર્મ ભરી શકશે: તારીખો દ્વારા થતા ગુજરાતમાં રાજકીય ગરમાવો, લોબિંગ શરૂ

અગ્ર ગુજરાત, રાજકોટ

દેશના રાજકારણમાં આગામી જૂન મહિનો અત્યંત ગરમાવો લાવનારો સાબિત થશે. કેન્દ્રીય ચૂંટણી પંચ દ્વારા 10 રાજ્યોની ખાલી પડી રહેલી 24 રાજ્યસભા બેઠકો માટે ચૂંટણી કાર્યક્રમની જાહેરાત કરવામાં આવી છે. આ ચૂંટણીમાં સૌથી વધુ નજર ગુજરાત પર છે, કારણ કે રાજ્યની 4 મહત્વની બેઠકો માટે 18 જૂને મતદાન પ્રક્રિયા હાથ ધરવામાં આવશે. આ ચૂંટણી એટલા માટે પણ મહત્વની છે કારણ કે ગુજરાત કોંગ્રેસના પ્રદેશ પ્રમુખ શક્તિસિંહ ગોહિલ સહિત ભાજપના દિગ્ગજ નેતાઓના કાર્યકાળ પૂર્ણ થઈ રહ્યા છે.

ગુજરાતમાંથી રાજ્યસભામાં પ્રતિનિધિત્વ કરતા ચાર સાંસદોનો છ વર્ષનો કાર્યકાળ પૂર્ણ થવા જઈ રહ્યો છે. જેમાં  શક્તિસિંહ ગોહિલ (કોંગ્રેસ), 2) રામભાઈ મોકરિયા (ભાજપ), 3) નરહરિભાઈ અમીન (ભાજપ), 4) અમી યાજ્ઞિક (કોંગ્રેસ)નો સમાવેશ થાય છે.

ગુજરાત વિધાનસભામાં હાલના સંખ્યાબળને જોતા આ ચૂંટણી રસપ્રદ બનશે. ભાજપ પાસે પ્રચંડ બહુમતી હોવાથી તે પોતાની બેઠકો જાળવી રાખવા ઉપરાંત અન્ય બેઠકો પર પણ પ્રભુત્વ જમાવવાનો પ્રયાસ કરશે, જ્યારે વિપક્ષ માટે પોતાનું અસ્તિત્વ ટકાવી રાખવાનો આ જંગ છે.

રાજ્યસભાની ચૂંટણી પ્રત્યક્ષ હોતી નથી, એટલે કે તેમાં સામાન્ય જનતા વોટ આપતી નથી. આ ચૂંટણી ‘પ્રમાણસર પ્રતિનિધિત્વ’ (Proportional Representation) ની પદ્ધતિથી થાય છે, જેમાં જે-તે રાજ્યના ચૂંટાયેલા ધારાસભ્યો (MLAs) મતદાન કરે છે. ગુજરાત વિધાનસભામાં જે પક્ષ પાસે જેટલું સંખ્યાબળ હોય, તે મુજબ તેને બેઠકો ફાળવવામાં આવે છે. 18 જૂને સવારે મતદાન પૂર્ણ થયા બાદ તરત જ સાંજે 5 વાગ્યે મતગણતરી હાથ ધરવામાં આવશે અને રાત સુધીમાં પરિણામો સ્પષ્ટ થઈ જશે.

ગુજરાતમાં ભાજપ હાઈકમાન્ડ નવા ચહેરાઓને તક આપશે કે જૂના જોગીઓને રિપીટ કરશે તે બાબતે ચર્ચાઓ શરૂ થઈ ગઈ છે. બીજી તરફ, કોંગ્રેસ પોતાના એકમાત્ર દિગ્ગજ નેતા શક્તિસિંહ ગોહિલને ફરીથી તક આપવા માટે પૂરતું સંખ્યાબળ એકઠું કરી શકશે કે કેમ તે મોટો સવાલ છે. પક્ષપલટા અને ક્રોસ વોટિંગની શક્યતાઓને નકારી શકાય તેમ નથી, જેને જોતા તમામ રાજકીય પક્ષોએ પોતાના ધારાસભ્યોને એકજૂથ રાખવા માટે અત્યારથી જ કવાયત શરૂ કરી દીધી છે.

રાજ્યસભાની ચૂંટણીનો કાર્યક્રમ