કાળઝાળ ગરબીમાં ટ્રાફિક પોઇન્ટમાં ફરજ બજાવતા કર્મચારીઓને અપાશે કુલીંગ જેકેટ

 કાળઝાળ ગરબીમાં ટ્રાફિક પોઇન્ટમાં ફરજ બજાવતા કર્મચારીઓને અપાશે કુલીંગ જેકેટ

 અમદાવાદમાં અમલવારી, કર્મચારીઓ પાસેથી ફિડબેક મંગાવી ડિઝાઇન-સિસ્ટમમાં ફેરફાર કરાશે

 રાજકોટ સહિતના ગરમ શહેરોમાં પ્રોજેકટ અમલી કરવા વિચારણા

અગ્ર ગુજરાત, રાજકોટ

રાજકોટ અને અમદાવાદ રાજયના સૌથી ગરમ શહેરોમાંના એક છે. સૌથી વધારે આગ અગનમાંથી આ બે શહેરો પર વરસી રહી છે. ત્યારે ભરબપોરે ટ્રાફિક પોઇન્ટ પર ફરજ બજાવતા ટ્રાફિકના કર્મચારીઓ માટે અનોખો પ્રોજેકટ શરૂ કરવામાં આવ્યો છે. ટ્રાફિક પોઇન્ટ પર ઉભા રહેતા કર્મચારીઓને ગરમીમાં રાહત આપતા ઠંડા-ઠંડા કુલ-કુલ જેવા જાકીટ આપવામાં આવ્યા છે. જેથી તેમને ગરમીમાં રાહત મળે. આ કામગીરી અમદાવાદમાં શરૂ કરાઇ છે. જે સફળ થતાં રાજકોટ સહિતના જિલ્લામાં અમલવારી કરાશે તેવી વિચારણા પણ ચાલી રહી હોવાનું ચર્ચાઇ રહ્યું છે.

ઉનાળામાં બપોરના સમયે તાપમાન 42થી 44 ડિગ્રી પહોંચી જતું હોય છે. જે જંકશન પર ટ્રાફિકનો ફ્લો ઓછો હોય છે. હોવાના કારણે બપોરના 12થી 4 વાગ્યા સુધીના સમયમાં આ સિગ્નલોને બ્લિન્કર મોડ પર મૂકેલા છે. એ સિવાયના જેટલા પણ જંકશન છે ત્યાં ફ્લો વધારે હોવાના કારણે પોલીસ સતત કાર્યરત હોય છે.

નાયબ પોલીસ કમિશનર ચિરાગ પટેલ કહે છે કે આટલી ગરમીમાં તેમને ઓન-રોડ કામ કરવું બહુ મુશ્કેલ છે. તેના કારણે અમદાવાદ બેઇજ મહિલા હાઉસિંગ ટ્રસ્ટ સાથે ટ્રાફિક પોલીસે સંકલન સાધીને આ જેકેટ તૈયાર કરાવ્યા છે અને ડિઝાઇન કરાવ્યા છે.

ચિરાગ પટેલના જણાવ્યા મુજબ જેકેટમાં રહેલા ફેન ચાલુ કરવાના કારણે એર-ફ્લો મેઇન્ટેન થાય છે. એર સરકયુલેશન બરાબર મેન્ટેઇન થશે. જેથી જવાનોની કામ કરવાની ક્ષમતા પણ વધારી શકાશે. આની સાથે સાથે હીટવેવનો જે પ્રશ્ન છે તે ના રહે તે માટે કોલરના ભાગે સ્પેશિયલ ડિઝાઇન કોલર બેલ્ટ મૂકવામાં આવ્યા છે. તેને નોર્મલ ટેમ્પરેચરવાળા પાણીથી ભીના કરીને પહેરવાના રહેશે. જેના કારણે ટ્રાફિક જવાનોને હીટવેવની સંભાવના પણ ઓછી રહેશે. દરેક પોલીસ સ્ટેશનના દરેક જવાનને તે મળી રહે તે માટે આગામી દિવસોમાં ડિસ્ટ્રીબ્યુશન પૂર્ણ કરવાનો પ્રયત્ન રહેશે.

હાલ ટ્રાયલ બેઝ પર આ પ્રોજેક્ટ ચાલી રહ્યો છે. તેમાં રોજ અલગ અલગ પોઇન્ટ ઉપર અલગ અલગ જવાનોને ટ્રાયલ માટે આ જેકેટ આપવામાં આવે છે. ત્યારબાદ તેમના ફીડબેક લેવામાં આવે છે. અને સુધારા કે સૂચનોની નોંધ કરાય છે. જેના કારણે તેની ડિઝાઇનમાં જરૂરી ફેરફાર કરી શકાય.

આ અંગે તેઓ કહે છે કે થોડા દિવસની અંદર સૂચનો આવી જાય, ત્યારબાદ તાત્કાલિક ધોરણે CSR ફંડ અથવા બીજી કોઈ ગ્રાન્ટમાંથી આ જેકેટ તૈયાર કરાવવાનું પ્લાનિંગ કરી રહ્યા છીએ. થોડા દિવસથી આ જેકેટનો ઉપયોગ શરૂ કર્યો છે. શરૂઆત પકવાન ચાર રસ્તાથી કરી હતી. ત્યારબાદ ઇસ્કોન જંકશન, પેલેડિયમ જંકશન અને એ સિવાયના મુખ્ય જંકશન જેવા કે રામદેવનગર, સ્ટાર બજાર અને શિવરંજની ખાતે ટ્રાયલ માટે જવાનોને રોજ જેકેટ આપવામાં આવી રહ્યા છે અને તેમના સૂચનો આપણે મંગાવી રહ્યા છીએ.