વી. વી.પી. એન્જીનીયરીંગ કોલેજના બાયોટેક એન્જીનીયરીંગ વિભાગમાં પ્રોફેસર ઓફ પ્રેક્ટીસની નિમણુક

વી. વી.પી. એન્જીનીયરીંગ કોલેજના બાયોટેક એન્જીનીયરીંગ વિભાગમાં પ્રોફેસર ઓફ પ્રેક્ટીસની નિમણુક

અગ્ર ગુજરાત, રાજકોટ

રાજકોટની ખ્યાતનામ વી. વી.પી. એન્જીનીયરીંગ કોલેજના બાયોટેકનોલોજી એન્જીનીયરીંગ વિભાગમાં ડો. પ્રિતેશભાઈ સબારા સાયન્ટીસ્ટ-B, ગુજરાત બાયોટેક રીસર્ચ સેન્ટર(GBRC) ગાંધીનગરની “પ્રોફેસર ઓફ પ્રેક્ટીસ” (POP) તરીકે નિમણુંક કરવામાં આવેલ છે.

GTU સંલગ્ન કોલેજ તરીકે આ પોસ્ટ પર વૈજ્ઞાનિક અથવા ઇન્ડસ્ટ્રીનો ૧૦ વર્ષ કે તેથી વધુ અનુભવ ધરાવતા વ્યક્તિની નિમણુંક કરવાની હોય છે, વિદ્યાર્થીઓને આના અંતર્ગત ડો. સબારા પાસેથી બાયોટેકનોલોજી રીસર્ચ એન્ડ ડેવલોપમેન્ટ (R & D) નો બહોળો અનુભવનો લાભ મળશે. ખાસ કરીને POP અંતર્ગત વિદ્યાર્થીઓને ભૂતકાળમાં ટ્રાન્સક્રીપ્ટોમિક્સ, મેટાબોલોમીક્સ શીખવાનો લાભ મળેલ, આ સેમેસ્ટરમાં “એન્ટી માઈકોબિયલ રેસીસ્ટન્સ અને નેનોટેકનોલોજીનો વ્યવહારુ ઉપયોગ ઉપર લેકચરો ગોઠવવામાં આવશે. આ લેકચર તેમના નિયમિત કોર્ષ સિલેબસ ઉપરાંત ભણાવવામાં આવે છે.

વિદ્યાર્થીના સર્વાંગી વિકાસ-અનુરૂપ પહેલ બદલ સંસ્થાના પ્રિન્સીપાલશ્રી ડો. પિયુષભાઈ વણઝારા, બાયોટેકના વડા પ્રો. પૂજાબેન ચાવડાને સંસ્થાના ટ્રસ્ટીઓ કૌશિકભાઈ શુક્લ, ડો.સંજીવભાઈ ઓઝા, હર્ષલ મણિયાર, ડો.નરેન્દ્ર દવે  તથા  ડો. નવીનભાઇ શેઠે શુભેચ્છાઓ પાઠવી હતી.