- પોલીસબેડામાં ફેરબદલ
- ઈતિહાસમાં સૌથી વધુ એકીસાથે 1124 કર્મચારીઓની બદલી
- અમદાવાદ CPનો મોટો નિર્ણય
દિવાળી પહેલા પોલીસતંત્રમાં એક મોટી ફેરબદલના સમાચાર સામે આવ્યા છે. અહીં એક જાણકારી પ્રમાણ સાગમટે 1124 જેટલા અધિકારી અને કર્મચારીઓની બદલી કરી નાખવામાં આવી છે. મહત્વનું છે કે આમાં કોન્સ્ટેબલ, હેડ કોન્સ્ટેબલ અને એએસઆઈની મોટાપાયે બદલીઓ કરવામાં આવી છે.
અમદાવાદ શહેર પોલીસ કમિશનર જીએસ મલિકે આજે મહત્વનો નિર્ણય લીધો છે. જેમાં 1100થી વધુ પોલીસ કર્મચારીઓની બદલી કરી છે. ખાસ કરીને ઘણા પોલીસ કર્મચારીઓ પોતાની બદલીની રાહ જોઈ રહ્યા હતા તેઓની દિવાળી સુધરી ગઈ છે. જેમ જેમ લોકસભા ચૂંટણી નજીક આવતી જઇ રહી છે તેમ તેમ સરકાર IAS થી માંડીને કોન્સ્ટેબલ સુધી એક પછી એક બદલીઓનો ઘાણવો ઉતારી રહી છે. અમદાવાદ પોલીસ કમિશ્નરે ચાર્જ સંભાળ્યાને ગણતરીના જ મહિનાઓમાં એક પછી એક તબક્કાવાર પગલા લેવાનું શરૂ કર્યું છે. અનેક PI અને PSI ઓની બદલી બાદ હવે ASI, કોન્સ્ટેબલ અને હેડ કોન્સ્ટેબલોની બદલી કરવામાં આવી છે.
અમદાવાદ પોલીસ કમિશ્નર જી.એસ મલિક દ્વારા એક સાથે 1124 પોલીસ કર્મચારીઓની બદલી કરી દેવામાં આવી છે. આ બદલીના પગલે પોલીસ મહેકમમાં હડકંપ મચ્યો છે. વર્ષોથી પોલીસ સ્ટેશનમાં ગુંદર લગાવીને બેઠેલા ASI, હેડ કોન્સ્ટેબલ અને કોન્સ્ટેબલોની બદલી કરવામાં આવી છે. અમદાવાદમાં એક જ પોલીસ સ્ટેશનમાં 7 વર્ષથી ચીટકી રહેલા પોલીસ કર્મચારીઓની સાગમટે બદલી કરવામાં આવી છે. પોલીસ તંત્રના ઇતિહાસમાં એક સાથે 1124 પોલીસ કર્મચારીઓની બદલી કરાઈ છે.
મહત્વનું છે કે, લોકસભાની ચૂંટણી જેમ જેમ નજીક આવી રહી છે, તેમ પોલીસ વિભાગમાં મોટી હલચલ દેખાઈ રહી છે. દરરોજ પોલીસ વિભાગમાં બદલી અને પ્રમોશન આપવામાં આવી રહ્યા છે. ત્યારે થોડા દિવસોથી PSI,PI અને હવે પોલીસ કર્મચારીઓમાં બદલીનો ગંજીપો ચીપાતા ખળભળાટ મચી ગયો છે. પોલીસ કમિશનર જી.એસ. મલિક દ્વારા શહેરમાં એક સાથે 1124 પોલીસ કર્મચારીઓની બદલી કરાઈ છે. આ બદલીઓમાં કોન્સ્ટેબલ, હેડ કોસ્ટેબલ અને એએસઆઈની મોટાપાયે બદલીઓ કરવામાં આવી છે.
