- બાળકને ડેન્ગ્યુની સાથે છાતીમાં હતું ઇન્ફેક્શન
- ડેન્ગ્યુથી મોતનો એક પણ કેસ આરોગ્ય વિભાગના ચોપડે નહીં
- હોસ્પિટલમાં પહોંચે તે પહેલા જ બાળકનું મોત થયું
વડોદરામાં વાયરલ ઇન્ફેક્શનના કેસમાં વધારો થયો છે. માંજલપુરમાં શંકાસ્પદ ડેન્ગ્યુથી 5 વર્ષના બાળકનું મોત થયુ છે. તેમાં બાળકને ડેન્ગ્યુની સાથે છાતીમાં ઇન્ફેક્શન હતું. છેલ્લા 5 દિવસમાં ડેન્ગ્યુના 20 કેસ નોંધાયા છે. ડેન્ગ્યુથી મોતનો એક પણ કેસ આરોગ્ય વિભાગના ચોપડે નથી.
શહેરમાં વાયરલ ઇન્ફેક્શનમાં વધારો થયો
શહેરમાં વાયરલ ઇન્ફેક્શનમાં વધારો થયો છે. ત્યારે ડેન્ગ્યુના કેસો વધ્યા પણ પાલિકાના ચોપડે કેસ નહીં. માંજલપુર વિસ્તારમાં શંકાસ્પદ ડેન્ગ્યુથી 5 વર્ષના બાળકનું મોત થયુ છે. બાળકને ડેન્ગ્યુની સાથે છાતીમાં ઇન્ફેક્શન હતું. છેલ્લા 5 દિવસમાં ડેન્ગ્યુના 20 કેસ નોંધાયા છે.
દીકરાને તાવ આવતા સારવાર માટે કલાલી વિસ્તારની એક હોસ્પિટલમાં દાખલ કરવામાં આવ્યો
શહેરના માંજલપુર વિસ્તારમાં રહેતા પાંચ વર્ષના બાળકને ડેન્ગ્યૂ થતા પાંચ દિવસ પહેલા સારવાર માટે કલાલી વિસ્તારની એક હોસ્પિટલમાં દાખલ કરવામાં આવ્યો હતો. ગઇકાલે રાતે તેનું મોત નિપજ્યું છે. જોકે, મોતનું ચોક્કસ કારણ જાણવા માટે પી.એમ. કરાવવામાં આવ્યું છે. મળતી માહિતી મુજબ, શહેરના માંજલપુર વિસ્તારમાં રહેતા અને લેથ મશીનનું જોબ વર્કનું કામ મકરપુરા જી.આઇ.ડી.સી.માં કરે છે. તેમને જોડિયા દીકરો અને દીકરી છે. જેની ઉંમર હાલ પાંચ વર્ષની છે. તેમના દીકરાને તાવ આવતા સારવાર માટે કલાલી વિસ્તારની એક હોસ્પિટલમાં દાખલ કરવામાં આવ્યો હતો.
હોસ્પિટલમાં પહોંચે તે પહેલા જ બાળકનું મોત થયું
ડેન્ગ્યૂ અને ફેફસાના ઇન્ફેક્શનની સારવાર ચાલતી હતી. દરમિયાન ગઇકાલે પાંચ વર્ષના બાળકને વધુ પડતો તાવ અને ખેંચ આવતા તબિયત વધારે લથડી હતી. બાળકની હાલત ગંભીર થતા સારવાર માટે કાશીબા હોસ્પિટલમાં રિફર કરવામાં આવતો હતો. પરંતુ, હોસ્પિટલમાં પહોંચે તે પહેલા જ બાળકનું મોત થયું હતું.
