વર્લ્ડ કપની ફાઈનલમાં મોટાભાગના સટોડિયાઓ રડયા, બુકીઓ કમાયા

• સટ્ટા બજારમાં ભાવ ખૂલ્યા ત્યારે ભારત જીત માટે ફેવરિટ હતું
• સટ્ટોડિયાઓએ આશરે 15 હજાર કરોડ ગુમાવ્યા હોવાનો અંદાજ
  
• ભારતની જીત ઉપર અબજો રૂપિયોનો સટ્ટો રમાયો હતો
  

ભારત અને ઓસ્ટ્રેલિયા વચ્ચેની વર્લ્ડ કપની ફાઈનલ મેચમાં સટ્ટોડિયાઓએ કરોડો રૂપિયા ગુમાવ્યા છે, જયારે બુકીઓ કરોડો રૂપિયા કમાયા છે. સટ્ટા બજારના ભાવ વર્લ્ડકપ ફાઈનલ મેચને લઇને ખોલવામાં આવ્યા હતા, જેમાં ભારત 45 પૈસા સાથે ફેવરીટ હતું અને ઓસ્ટ્રેલિયાના 1.90 પૈસાના ભાવ ખુલ્યા હતા. આજે ભારત ટોસ હારતા સટ્ટોડિયાઓએ રૂપિયા ગુમાવ્યા હતા. ભારતની જીત ઉપર અબજો રૂપિયોનો સટ્ટો રમાયો હતો. જેમાં મોટાભાગના બુકીઓએ પહેલેથી ભારતની જીત ઉપર મોટી લગાવી હતી. પણ, ભારતની ફાઈનલ મેચમાં હાર થતા સટોડિયાને કરોડો રુપિયા ગુમાવવાનો વારો આવ્યો છે, જ્યારે બુકીઓને તગડી કમાણી થઈ છે.

ભારતની બેટિંગ શરૂ થતા એક તબક્કે ભારતનો ભાવ 30 પૈસા થયો હતો. આ પછી વિકેટ પડતા ભારતનો ભાવ એક તબક્કે 1.10 પૈસા થઈ ગયો હતો, જયારે ઓસ્ટ્રેલિયાનો ભાવ 80 પૈસા થયો હતો. આ પછી ઓસ્ટ્રેલિયાની બેટીંગ શરૂ થતા મહેમાન ટીમનો ભાવ 60 પૈસા અને ભારતનો ભાવ 1.50 પૈસા થઈ ગયો હતો. ઓસ્ટ્રેલિયાની ત્રણ વિકેટ પડતા ભારતનો ભાવ 30 પૈસા અને ઓસ્ટ્રેલિયાનો ભાવ 1.70 પૈસા થઈ ગયો હતો.

 ત્યારબાદ છેલ્લે સટ્ટાબજારમાં ઓસ્ટ્રેલિયાનો ભાવ ઘટીને બે પૈસા થઈ ગયો હતો. જયારે ભારતનો ભાવ 8 રૂપિયા થઈ ગયો હતો. આમ, સટ્ટાબજારમાં છેક સુધી ઓસ્ટ્રેલિયાનો જીતમાં ભાવ બે પૈસા રહ્યો હતો.

ભારત અને ઓસ્ટ્રેલિયા વચ્ચેની ફાઈનલ મેચ એક તરફી થતા સટ્ટોડિયાઓ આશરે 15 હજાર કરોડ ગુમાવ્યા હોવાનો અંદાજ છે. જયારે બુકીઓ ફેન્સી સોદા,ટોસ, સેશનમાં કેટલા છગ્ગા, ચોગ્ગા લાગશે? ડોટ બોલ અને એકસ્ટ્રા રન પર પણ મોટી રકમ કમાયા હતા. મોટા સટ્ટોડિયાઓએ ભારત અને ઓસ્ટ્રેલિયાની કુંડળી બનાવીને જયોતિષોનો સહારો લીધો હતો, પરંતુ મોટાભાગના લોકો ફાઈનલ મેચમાં ખોટા પડયા હતા. જ્યારે સટ્ટોડિયાઓએ કરોડો રૂપિયા ગુમાવ્યા છે.