- બે ચેમ્બર ઘરના કનેક્શન, એક મુખ્ય લાઈનની હોવાનો તંત્રનો દાવો
- સામાન્ય રીતે બે ચેમ્બર વચ્ચે 20થી 25 ફૂટનું અંતર હોય છે
- ચેમ્બરો વચ્ચે 20થી 25 ફૂટ જેટલું અંતર રાખવામાં આવે
શહેરમાં હાલ નવી ડ્રેનેજ લાઈન નાખવાની કામગીરી ચાલી રહી છે. ત્યારે સેક્ટર-4C ખાતે ઘર પાસે જ ત્રણ જેટલી ચેમ્બર નાખી દેવાઈ હોવાની ફરિયાદ ઉઠી હતી. અહીં પ્લોટ નંબર-1311/2 પાસે જ 10 ફૂટના અંતરમાં જ ત્રણ જેટલી ચેમ્બર બનાવી દેવાઈ હતી. જેને પગલે રહીશ દ્વારા આ મુદ્દે તંત્રને રજૂઆત કરવામાં આવી હતી. જેમાં જાણવા મળ્યું હતું કે, ઘરના દરવાજા પાસે જ રહેલી બે ચેમ્બર આજુબાજુમાં રહેલાં બંને મકાનોની છે. જ્યારે પાસે રહેલી અન્ય ચેમ્બર મુખ્ય લાઈનની છે. સામાન્ય રીતે ડ્રેનેજ લાઈનમાં ચેમ્બરો વચ્ચે 20થી 25 ફૂટ જેટલું અંતર રાખવામાં આવે છે. ત્યારે શહેરમાં નાખવામાં આવતી નવી ગટર લાઈનમાં પણ આ જ પ્રકારે કામગીરી કરવામાં આવી છે. જોકે દરેક ઘર આગળ નાની ચેમ્બર તૈયાર કરીને ઘરનું કનેક્શન આપવામાં આવ્યું છે. જેનું કનેક્શન આગળની મુખ્ય ચેમ્બરને આપવામાં આવેલું છે. ત્યારે પાસે-પાસે નાખવામાં આવેલી ચેમ્બરોમાં નીચે અન્ય કોઈ લાઈન કે યુટિલિટી આવતી હોય ત્યારે મુખ્ય ચેમ્બરમાં ચાર-પાંચ ફૂટનો ફેરફાર કરવામાં આવે છે.
ત્યારે રહીશ દ્વારા આ મુદ્દે રજૂઆત કરવામાં આવતા ગેટ નજીક પાસે-પાસે રહેલી ચેમ્બર શક્ય હશે તો દૂર કરી આપવા માટે તંત્ર દ્વારા હાલ આશ્વાસન આપવામાં આવ્યું છે.
