જાપાનમાં ફરી જન્મદરમાં મોટો ઘટાડો, છેલ્લા 8 વર્ષનો તૂટયો રેકોર્ડ

• 2023ના જન્મદરને લઈને ચોંકાવનારી વિગતો સામે આવી
• જન્મદરનો આંક 5.1%થી ઘટીને 7 લાખ 58 હજાર 631 થયો
• લગ્નદરનો આંક 5.9%થી ઘટીને 4 લાખ 89 હજાર 281 થઈ

જાપાનમાં બાળકોના જન્મદરની સંખ્યામાં મોટો ઘટાડો જોવા મળ્યો છે. મંગળવારે જાપાન સરકાર તરફથી એક રિપોર્ટ જાહેર કરવામાં આવ્યો છે. આ રિપોર્ટમાં વર્ષ 2023ના જન્મદરને લઈને ચોંકાવનારી વિગતો આપવામાં આવી છે. રિપોર્ટ અનુસાર દેશમાં નવજાત બાળકોના જન્મ પ્રમાણના આંકડામાં મોટો ઘટાડો જોવા મળ્યો છે. છેલ્લા 8 વર્ષમાં આ સૌથી ઓછા આંકડા છે. જેને લીધે જનસંખ્યાને લઈને જાપાન સરકારની મુશ્કેલીઓ વધી ગઈ છે.

ગત વર્ષની સરખામણીમાં વર્ષ 2023નો જન્મદરનો આંક 5.1 ટકાથી ઘટીને 7 લાખ 58 હજાર 631 થઈ ગયો છે. તો, આ સાથે લોકોમાં લગ્નના આંકડાને લઈને પણ મોટો ઘટાડો જોવા મળ્યો છે. લગ્નોની સંખ્યા 5.9% ઘટીને 4 લાખ 89 હજાર 281 થઈ ગઈ છે. જણાવી દઈએ કે છેલ્લા 90 વર્ષમાં પહેલી વખત વાર્ષિક લગ્નોની સંખ્યામાં 5 લાખની નીચે ગઈ છે.

ઝડપથી ઘટતા આ આંકડાઓ પર સરકારના પ્રવક્તાએ જણાવ્યું છે કે જાપાન સરકાર જનસંખ્યા વૃદ્ધિ માટે સતત મોટા અને મહત્વના પગલાં લઈ લેશે. સરકાર બાળકોની દેખરેખ પર કામ કરશે. તેની સાથે જ યુવા કારીગરોના પગાર પણ વધારવામાં આવશે. જાપાનના કેબિનેટ મંત્રી યોશિમાસા હયાશીએ કહ્યું છે કે જન્મદરમાં ઘટાડાનો વિષે અત્યંત ગંભીર છે. વર્ષ 2030 સુધી યુવાનોની સંખ્યા નહિ વધી તો આ આંકડાઓને બદલવા લગભગ અસંભવ થઈ જશે.

વડાપ્રધાન ફ્યુમિયો કિશિદાએ જણાવ્યું છે કે હાલમાં જન્મદર જાપાનનું સૌથી ગંભીર સંકટ છે. ગત વર્ષના અંતમાં, વડાપ્રધાને બાળકો ધરાવતા પરિવારો માટે ઘણા મોટા પગલાઓની જાહેરાત કરી હતી. વર્તમાન આંકડાઓ અનુસાર, રાષ્ટ્રીય વસ્તી અને સામાજિક સુરક્ષા સંશોધન સંસ્થાએ અનુમાન લગાવ્યું છે કે વર્ષ 2070 માં આ આંકડો 30% વધુ ઘટશે. ત્યારે જાપાનની વસ્તી ઘટીને 87 મિલિયન થઈ જશે.