- પાકિસ્તાનમાં હાલ વરસાદ, બરફવર્ષા અને ભૂસ્ખલનથી લોકોનું જીવન મુશ્કેલ
- ભારે વરસાદને લીધે લોકોને મુશ્કેલી વેઠવાની નોબત
- હજી પાકિસ્તાનમાં 48 કલાકમાં ભારેથી અતિ ભારે વરસાદની આગાહી
પાકિસ્તાનમાં વરસાદે તબાહી મચાવી છે. દેશના ઘણા ભાગોમાં ભારે વરસાદ થઈ રહ્યો છે, જેના કારણે લોકોનું જીવન મુશ્કેલ બની ગયું છે. ભારે વરસાદના કારણે લોકોને ભારે મુશ્કેલીનો સામનો કરવો પડી રહ્યો છે. પરિસ્થિતિ ખરાબથી ખરાબ તરફ જઈ રહી છે. દરમિયાન, નેશનલ ડિઝાસ્ટર મેનેજમેન્ટ ઓથોરિટી (NDMA) એ આગામી 48 કલાકમાં દેશના મોટાભાગના ભાગોમાં મધ્યમથી ભારે વરસાદની ચેતવણી આપી છે.
NDMA અનુસાર, આગામી 48 કલાકમાં દેશના મોટાભાગના ભાગોમાં મધ્યમથી ભારે વરસાદની સંભાવના છે. આ ઉપરાંત પહાડી વિસ્તારોમાં ભારે હિમવર્ષા તેમજ ભારે વરસાદની સંભાવના છે. ઘણી જગ્યાએ હિમવર્ષા અને જોરદાર તોફાન થઈ શકે છે અને કરા પડવાની પણ શક્યતા છે.
NDMA અનુસાર, આગામી 48 કલાકમાં દેશના મોટાભાગના ભાગોમાં મધ્યમથી ભારે વરસાદની સંભાવના છે. આ ઉપરાંત પહાડી વિસ્તારોમાં ભારે હિમવર્ષા તેમજ ભારે વરસાદની સંભાવના છે. કહેવામાં આવી રહ્યું છે કે આગામી 12 થી 24 કલાકમાં ખૈબર પખ્તુનખ્વા, ગિલગિટ-બાલ્ટિસ્તાન, પીઓકે અને કાશ્મીર, પંજાબ સહિત દેશના ઉત્તરીય ભાગોમાં મધ્યમથી ભારે વરસાદ થઈ શકે છે, જ્યારે હિમવર્ષા અને જોરદાર તોફાન પણ થઈ શકે છે. ઘણી જગ્યાએ કરા પડવાની પણ શક્યતા છે.
વરસાદના કારણે અત્યાર સુધીમાં 10 લોકોના મોત થયા છે
ગઈકાલે જ કરાચીમાં ભારે વરસાદ સાથે જોરદાર વાવાઝોડાએ તબાહી મચાવી દીધી હતી. જે બાદ શહેરમાં વાતાવરણ એકદમ ઠંડુ થઈ ગયું છે. કાતિલ ઠંડીના કારણે લોકો માટે ઘરની બહાર નીકળવું મુશ્કેલ બન્યું છે. બીજી તરફ ખૈબર પખ્તુનખ્વામાં પણ વરસાદે તબાહી મચાવી છે. અહીં ઘણી જગ્યાએ ભૂસ્ખલનની ઘટનાઓ નોંધાઈ છે, અને ઘણા ઘરોની છત પણ પડી ગઈ છે. આ આકાશી વરસાદને કારણે અહીં લગભગ 10 લોકોના મોત થયા છે. સતત વરસાદ અને હિમવર્ષા હજુ પણ ચાલુ છે.NDMAએ એડવાઈઝરી જારી કરી છે
એનડીએમએએ તેની એડવાઈઝરીમાં કહ્યું છે કે આગામી 5 થી 7 માર્ચ સુધી વરસાદની સંભાવના છે, જે કેપી, કાશ્મીર, જીબી અને પંજાબના ઉપલા વિસ્તારોની સાથે બલૂચિસ્તાનને અસર કરશે. ઉત્તર-પશ્ચિમ સિંધમાં વરસાદની સંભાવના છે. NDMAએ મુસાફરોને પહાડી વિસ્તારોમાં મુસાફરી કરતી વખતે સાવચેતી રાખવા જણાવ્યું છે.
અધિકારીઓએ સતર્ક રહેવાની સલાહ આપી છે
NDMAએ સંબંધિત અધિકારીઓને સતર્ક રહેવા અને સાવચેતીનાં પગલાં લેવાની સલાહ આપી છે. એનડીએમએ સંબંધિત વિભાગોને પૂર જેવી પરિસ્થિતિનો સામનો કરવા માટે પંપ માટે અગાઉથી બેકઅપ જનરેટર, બળતણ અને જરૂરી સાધનો તૈયાર કરવા જણાવ્યું છે. મ્યુનિસિપલ કોર્પોરેશન પ્રશાસને ગટર અને ડ્રેનેજ માટે નક્કર પગલાં ભરવા સૂચનાઓ જારી કરી છે.
