- ઈઝરાયલે રફાહ શહેર પર હુમલાની પૂર્ણ તૈયારી કરી લીધી છે
- હમાસ અને ઈઝરાયલ વચ્ચે યુદ્ધવિરામ બેઠક પર ફરી સંકટના વાદળ છવાયા
- ઈઝરાયલના સૈન્યએ લોકોને માનવ વસ્તીમાં ચાલ્યા જવા સૂચના આપી
ઈઝરાયલ અને હમાસ વચ્ચે સાત મહિનાથી યુદ્ધ યથાવત્ છે ત્યારે આ દરમિયાન એક મહત્ત્વના સમાચાર આવી રહ્યા છે. ઈઝરાયલે રફાહ શહેર પર ભીષણ હુમલો કરવાની સપૂર્ણ તૈયારી કરી લીધી છે. ઈઝરાયલી સૈન્યએ પેલેસ્ટાઈનના પૂર્વી રફાહ ક્ષેત્રને ખાલી કરવા કહ્યું છે. ઈઝરાયલી સેનાના આ એક્શનનો સ્પષ્ટ સંકેત છે કે ઈઝરાયલ ટૂંક સમયમાં રફાહ પર જમીન માર્ગે હુમલો કરી શકે છે. ઈઝરાયલની સૈન્યના એક નિવેદન પ્રમાણે લોકોને કહેવાયું છે કે તેઓ તટની પાસે માનવ વસ્તીમાં ચાલ્યા જાય. તેને માનવ વસ્તીમાં હોસ્પિટલ, તંબૂ, ભોજન અને પાણી જેવી જીવન જરૂરિયાની સગવડ તૈયાર કરી લીધી છે.
ઈઝરાયલનું આયોજન તૈયાર છે
ઈઝરાયલ વતી આ એક્શન ત્યારે લેવાઈ રહ્યા છે જ્યારે યુદ્ધવિરામની બેઠક પર સંકટ નજરે પડી રહ્યું છે. આવામાં આશંકા એ વાતની વધે છે કે ઈઝરાયલ ખૂબ જ જલ્દી રફાહ પર જમીન માર્ગે હુમલો કરશે. ઈઝરાયલ અગાઉ બચી ગયેલા હમાસના આતંકવાદીઓનો સફાયો કરવાનો સંકલ્પ લઈ ચુક્યું છે. નજર પણ આવી રહ્યું છે કે ઈઝરાયલ પોતાના મનસૂબાને પૂર્ણ કર્યા વગર રહેશે નહિ.
હમાસે હુમલો કર્યો
રવિવારે ઇઝરાયલના રક્ષા મંત્રી યોવ ગાલાંટે દાવો કર્યો હતો કે હમાસ કોઈપણ સમજૂતીને લઈને ગંભીર નથી. તેમણે નજીકના ભવિષ્યમાં રફાહમાં શક્તિશાળી સૈન્ય કાર્યવાહીની ચેતવણી આપી હતી. હમાસ દ્વારા રવિવારે ઈઝરાયેલના મુખ્ય ક્રોસિંગ પોઇન્ટ પર હુમલો કરવામાં આવ્યા બાદ તેમની ટિકાઓ આવી હતી, જેમાં ત્રણ સૈનિકો માર્યા ગયા હતા.
ઈઝરાયલે હવાઈ હુમલો કર્યો
આ દરમિયાન તમને જણાવી દઈએ કે ઈઝરાયેલે દક્ષિણ લેબેનોનના માસ અલ જબાલ શહેરમાં જોરદાર હવાઈ હુમલા કર્યા છે. આ હુમલાઓમાં ચાર નાગરિકોના મોત થયા છે, અન્ય ઘણા લોકો ઘાયલ હોવાનું કહેવાય છે. હમાસે લેબનોન-ઇઝરાયેલ સરહદ નજીક ઇઝરાયલી સૈન્ય લક્ષ્યોને નિશાન બનાવીને ઓછામાં ઓછા 10 હુમલા કર્યા પછી ઈઝરાયેલી હવાઈ હુમલા કરવામાં આવ્યા હતા.
ઈઝરાયલનું એક્શન
હમાસે ઈઝરાયલ પર ગત સાત ઓક્ટોબરે હુમલો કર્યો હતો જેના વળતા જવાબમાં ઈઝરાયલી સુરક્ષાદળોએ આતંકી જૂથનો સમાપ્ત કરવાની કાર્યવાહી શરૂ કરી હતી. ઈઝરાયલ અને હમાસ વચ્ચે યુદ્ધમાં અત્યાર સુધી આશરે 34 હજારથી વધુ લોકોનાં મોત થઈ ચુક્યા છે. જ્યારે 75 હજારથી વધુ લોકો ઈજાગ્રસ્ત છે. હાલ યુદ્ધ ચાલી રહ્યું છે અને રોકવાના કોઈ અણસાર નથી.
