જામનગર જિલ્લાના સીધણી ડેમ પર 10 ઈંચ વરસાદથી 22 ફુટ,સાની-ઘી-વરતૂ 1 ડેમ પર 6-6 ઈંચ વરસાદ
રાજકોટ સિંચાઇ વર્તુળ હસ્તકના 40 ડેમના સ્ત્રાવ વિસ્તારમાં ભારે વરસાદ પડવાના કારણે અડધા ફુટથી માંડીને 22 ફુટ નવા પાણીની આવક થઈ છે જ્યારે 5 ડેમ ઉપર 5 ઈંચથી માંડીને 10 ઈંચ વરસાદ વરસતા ઘરતી પુત્રોમાં આનંદની લાગણી પ્રસરી ગઇ છે.
જામનગર, દ્વારકા અને સુરેન્દ્રનગર જિલ્લામાં મેઘરાજા મન મૂકીને વરસતા ડેમમાં નવા પાણીની આવક થઈ છે જેમાં એકમાં 11.48 ફૂટ,ગઢકી 15.26 ફૂટ, વર્તુળ 2 માં 4.92 ફૂટ,સોનમતી 10 ફુટ,શેઢા ભાડથરી 13 ફુટ, સીધણી 22 ફુટ મીણસર વાનાવાડ ડેમમાં 13 ફુટ નવા પાણીની આવક થઈ હતી જ્યારે સાની ડેમ ઉપર 6 ઈંચ,ઘી ડેમ ઉપર 6 ઈંચ તથા સીઘણી ડેમ ઉપર 10 ઈંચ વરસાદ પડયો હતો. જ્યારે મોરસલ ડેમમાં 15 ફુટ,સપડા 5 ફુટ,વાડીસગ 11 ફુટ,ફુલઝર કોબા 13 ફુટ, ઉમીયા સાગર 12 ફુટ અને વગડીયા ડેમમાં 16 ફુટ નવા નીરની આવક થઇ હતી. જ્યારે સપડા ડેમ ઉપર 4ઈંચ અને ફુલઝર 2 ડેમ ઉપર 4 જ્યારે ફુલઝર 1 ડેમ ઉપર 6 ઈંચ વરસાદ પડયો હતો.
આ ઉપરાંત રાજકોટ જિલ્લામાં આવેલ ભાદર એક મા 0.62 ફુટ,મોજ 4.20 ફુટ, વેણું 2 ડેમ 7 ફુટ,સુરવો 16 ફુટ,ભાદર બે ડેમમાં 15 ફુટ નવા પાણીની આવક થઈ હતી આમ રાજકોટ સિંચાઇ વર્તુળ હેઠળના 40 થી વધુ ડેમમાં નવા પાણીની ઘીગી આવક થઈ હતી. આમ હજુ ચોમાસાનો પ્રારંભ થયો છે ત્યાંજ મોટાભાગના ડેમમાં પાણીની જોરદાર આવક થતા પીવાના પાણીની અને સિંચાઇને પાણી આપવા માટેનો પ્રશ્ન હાલ તૂર્ત હલ થઇ ગયો છે.
