ટેસ્લાના સીઈઓ એલોન મસ્ક વિશે તાજેતરમાં ઘણા અહેવાલો પ્રકાશિત કરવામાં આવ્યા છે. અને એમાં દાવો કરવામાં આવ્યો હતો કે, મસ્કને જરૂર કરતાં વધુ શક્તિ મળી છે. હવે આ અહેવાલો મસ્ક પર વિપરીત અસર કરી રહ્યા છે. આ જ કારણ છે કે વ્હાઇટ હાઉસને પોતે આગળ આવીને નિવેદન જાહેરા કર્યુ છે કે, વ્હાઇટ હાઉસે કોર્ટના દસ્તાવેજમાં સ્પષ્ટતા કરી છે કે એલોન મસ્ક પાસે કોઈપણ સત્તાવાર સરકારી નિર્ણયો લેવાનો અધિકાર નથી.
એલોન મસ્ક ફક્ત એક કર્મચારી છે: વ્હાઇટ હાઉસ
ટેસ્લાના સીઈઓ એલોન મસ્ક વિશે તાજેતરમાં ઘણા અહેવાલો આવ્યા છે. આમાં એવો દાવો કરવામાં આવ્યો હતો કે મસ્કને જરૂર કરતાં વધુ શક્તિ મળી છે. તે પોતાની મરજી મુજબ ગમે તે નિર્ણય લઈ શકે છે. એટલું જ નહીં, સોશિયલ મીડિયા પર ઘણા લોકો કહે છે કે ટ્રમ્પ ફક્ત રાષ્ટ્રપતિની ખુરશી પર બેઠા છે, વાસ્તવિક શક્તિ અને નિર્ણય લેવાનો અધિકાર મસ્ક પાસે છે. આવી અફવાઓ વચ્ચે, વ્હાઇટ હાઉસે મસ્ક અંગે એક મોટું નિવેદન આપ્યું છે. વ્હાઇટ હાઉસે કોર્ટના દસ્તાવેજમાં સ્પષ્ટતા કરી છે કે એલોન મસ્ક પાસે કોઈપણ સત્તાવાર સરકારી નિર્ણયો લેવાનો અધિકાર નથી. હાઉસે વધુમાં જણાવ્યું હતું કે મસ્કને ઔપચારિક રીતે સરકારી નિર્ણયો લેવાની સત્તા આપવામાં આવી નથી. હવે આવી સ્થિતિમાં પ્રશ્ન એ ઊભો થાય છે કે, જો તેમની પાસે કોઈ શક્તિ નહીં હોય તો તેઓ શું કરશે? હકીકતમાં, આ દસ્તાવેજોમાં એવું પણ કહેવામાં આવ્યું હતું કે મસ્ક ફક્ત રાષ્ટ્રપતિને સલાહ આપી શકે છે અને તેમના સૂચનો આપી શકે છે.
મસ્ક કોઈ નિર્ણય લઈ શકતા નથી: વ્હાઇટ હાઉસ
વ્હાઇટ હાઉસ ઓફિસ ઓફ એડમિનિસ્ટ્રેશનના ડિરેક્ટર જોશુઆ ફિશરે સ્પષ્ટતા કરી હતી કે એલોન મસ્ક વ્હાઇટ હાઉસના કર્મચારી છે, પરંતુ તેઓ બિન-કાયમી ખાસ સરકારી કર્મચારી તરીકે કામ કરી રહ્યા છે. તેમને રાષ્ટ્રપતિના વરિષ્ઠ સલાહકારની ભૂમિકા સોંપવામાં આવી છે, પરંતુ તેઓ કોઈ સરકારી નીતિ કે નિર્ણય પોતે લઈ શકતા નથી. તેમાં એમ પણ કહેવામાં આવ્યું છે કે વ્હાઇટ હાઉસના અન્ય વરિષ્ઠ સલાહકારોની જેમ, મસ્કની ભૂમિકા ફક્ત સલાહ આપવા સુધી મર્યાદિત છે. જોશુઆ ફિશરે કહ્યું કે મસ્ક ફક્ત રાષ્ટ્રપતિને સલાહ આપવાનું કામ કરે છે, પરંતુ તેમની પાસે કોઈપણ સરકારી નિર્ણય લાગુ કરવાનો કોઈ અધિકાર નથી. દસ્તાવેજમાં એમ પણ કહેવામાં આવ્યું છે કે મસ્કનું કાર્ય વ્હાઇટ હાઉસની અંદર ચોક્કસ ક્ષેત્ર સુધી મર્યાદિત છે.
“વહીવટમાં મસ્કની કોઈ મહત્વપૂર્ણ ભૂમિકા નથી”
ફિશરે વધુમાં સમજાવ્યું કે ‘યુએસ ડોજ સર્વિસ’ રાષ્ટ્રપતિના કાર્યકારી કાર્યાલયનો એક ભાગ છે. તેમણે કહ્યું કે ‘યુએસ ડોગ સર્વિસ ટેમ્પરરી ઓર્ગેનાઇઝેશન’ આ સેવા હેઠળ આવે છે, પરંતુ તે વ્હાઇટ હાઉસ ઓફિસથી સંપૂર્ણપણે અલગ છે. આ નિવેદનથી સ્પષ્ટ થયું કે સરકારી વહીવટમાં મસ્કની કોઈ મહત્વપૂર્ણ ભૂમિકા નથી.
