- ધનતેરસના દિવસો શુભ સમાચાર
- ગુજરાત સરકારે બહાર પાડી ભરતી
- ગૌણ સેવા પસંદગી મંડળ દ્વારા જાહેરાત
આજે ગુજરાતભરમાં ધનતેરસની ધૂમ છે. દિવાળીના મહાપર્વનો પ્રારંભ થઈ ચૂક્યો છે. માર્કેટમાં ખરીદીની ધૂમ છે અને લોકો પરિવારોની સાથે દિવાળીની મજાને માણવા માટે થનગની રહ્યા છે. દરેક બાજુથી સારા અને શુભ થવાનો આ સમય કહેવામાં આવે છે. લાગે છે કે ગુજરાતની સરકારી ભરતીની તૈયારી કરતા ઉમેદવારોને પણ આ ધનતેરસ ફળી છે. કેમ કે સરકારે અલગ અલગ 1500થી વધુ પોસ્ટ પર નવી ભરતી બહાર પાડી છે.
મહત્વનું છે કે છેલ્લા કેટલાક સમયથી ગુજરાત સરકાર દ્વારા સતત નવી ભરતીને જાહેર કરવાને લઈને ચર્ચાઓ થઈ રહી હતી. સરકારી પદો પર નવી નિયુક્તિ માટે સરકારના અલગ અલગ વિભાગોમાં વિચારણા પણ ચાલી હતી તેમજ ભરતી સંસ્થાઓ જેમ કે ગૌણ સેવા પસંદગી મંડળ અને જીપીએસસી દ્વારા પણ વિવિધ સરકારી વિભાગો પાસેથી તેમને ત્યાં ખાલી જગ્યાઓ માટેની વિગતો માગવામાં આવી હતી. આ વિગતોના અન્વયે પછીથી સરકારી ભરતીની જાહેરાત બહાર પાડવાનું આયોજન હોય છે.
આ ધનતેરસના દિવસે ગુજરાત સરકારે સરકારી ભરતીની તૈયારીઓ કરતા પરીક્ષાર્થીઓ માટે મોટી જાહેરાત કરી છે. એક્ચ્યુઅલી સરકાર દ્વારા 1500થી વધુ નવી પોસ્ટ માટે ભરતીની જાહેરાત બહાર પાડવામાં આવી છે. આ જાહેરાત ગુજરાત ગૌણસેવા પસંદગી મંડળ દ્વારા બહાર પાડવામાં આવી છે.
મળતી માહિતી મુજબ ગૌણ સેવા પસંદગી મંડળ દ્વારા 1500થી વધુ પોસ્ટની ભરતી બહાર પાડવામાં આવી છે. જેમાં થેરાપીસ્ટ, વર્ક આસિસ્ટન્ટ, ટેક્નિશિયન, તાંત્રિક મદદનીશ, ગ્રાફિક ડિઝાઇનર ,મશીન ઓવરશીયર, વાયરમેન, જુનિયર પ્રોસેસ આસિસ્ટન્ટ, સર્વેયર, સિનિયર સર્વેયર, પ્લાનિંગ આસિસ્ટન્ટની ભરતી થશે. સર્વેયર બાદ વર્ક આસિસ્ટન્ટની સૌથી વધુ 574 પોસ્ટની ભરતી થશે. તારીખ 17 મી નવેમ્બર બપોરે 2:00 વાગ્યાથી ઓનલાઇન અરજી થઈ શકશે. તારીખ 17 નવેમ્બરથી 2 ડિસેમ્બર સુધી અરજીના ઓનલાઈન ફોર્મ ઓજસની વેબસાઈટ પર ભરી શકાશે, નવી પરીક્ષા પદ્ધતિ મુજબ એક્ઝામ લેવાશે. ગૌણ સેવા પસંદગી મંડળની વેબસાઈટ ઉપર તમામ માહિતી ઉપલબ્ધ છે.
નીચેની પોસ્ટ માટે થઈ શકશે અરજીઓ
- સર્વેયર મહેસુલની 412 જગ્યા
- સિનિયર સર્વેયરની 97 જગ્યા
- વર્ક આસિસસ્ટન્ટની 574 જગ્યા
- સર્વેયરની 60 જગ્યા
- પ્લાનિંગ આસીસ્ટન્ટની 65 જગ્યા
આમ આ ધનતેરસ સરકારી નોકરીની તૈયારી કરતા વિદ્યાર્થીઓને ફળી હોય તેવું જણાઈ રહ્યું છે. ઉપરની તમામ પોસ્ટ માટે તારીખ 17 મી નવેમ્બર બપોરે 2:00 વાગ્યાથી ઓનલાઇન અરજી થઈ શકશે. તારીખ 17 નવેમ્બરથી 2 ડિસેમ્બર સુધી અરજીના ઓનલાઈન ફોર્મ ઓજસની વેબસાઈટ પર ભરી શકાશે
