ગોગામેડી હત્યાકાંડ: પૈતૃક ગામમાં થશે અંતિમ સંસ્કાર, દર્શન માટે ઉમટી ભીડ

કરણી સેનાના પ્રમુખ સુખદેવ સિંહ ગોગામેડીનો આજે તેમના વતન ગામમાં અંતિમ સંસ્કાર કરવામાં આવશે. રાષ્ટ્રીય રાજપૂત કરણી સેનાના રાષ્ટ્રીય અધ્યક્ષ સુખદેવ સિંહ ગોગામેડીનો નશ્વરદેહ જયપુરમાં રાજપૂત સભા ભવન ખાતે લોકોના અંતિમ દર્શન માટે લાવવામાં આવ્યો છે.

રાષ્ટ્રીય રાજપૂત કરણી સેનાના રાષ્ટ્રીય અધ્યક્ષ સુખદેવ સિંહ ગોગામેડીનો નશ્વરદેહ જયપુરની શ્રી ભવાની નિકેતન સ્કૂલ એન્ડ કોલેજમાં લોકોના અંતિમ દર્શન માટે લાવવામાં આવ્યો છે. લોકો અંતિમ દર્શન માટે પડાપડી કરતા જોવા મળ્યા હતા.

રાજપૂત કરણી સેનાના રાષ્ટ્રીય અધ્યક્ષ સુખદેવ સિંહ ગોગામેડીની હત્યા બાદ વિરોધ, વિક્ષેપ અને પત્ની શીલા શેખાવતની સંમતિ બાદ, સુખદેવ સિંહ ગોગામેડીનો મૃતદેહ ગુરુવારે સવારે એસએમએસ હોસ્પિટલથી જયપુરમાં રાજપૂત સભા ભવન લાવવામાં આવ્યો હતો. સુખદેવના નશ્વર દેહના અંતિમ દર્શન માટે અહીં લોકોની ભીડ એકઠી થવા લાગી છે. બિહાર, મધ્યપ્રદેશ, ઉત્તર પ્રદેશ સહિત અનેક રાજ્યોમાંથી લોકો અંતિમ દર્શન માટે રાજપૂત ભવન પહોંચી રહ્યા છે.

મળતી માહિતી મુજબ, સુખદેવ સિંહના નશ્વર દેહને બપોરે 2 વાગ્યે તેમના વતન ગામ ગોગામેડી લઈ જવામાં આવશે. સુખદેવ સિંહની અંતિમ દર્શન યાત્રા ચૌમુ, રિંગાસ, સીકર, લક્ષ્મણગઢ, ફતેહપુર, ચુરુ, તારાનગર, સાહવા, ભદ્ર થઈને ગોગામેડી પહોંચશે. આ સમય દરમિયાન, લોકો તેમને અંતિમ શ્રદ્ધાંજલિ આપી શકશે.

ઉદયપુરમાં શ્રી રાષ્ટ્રીય રાજપૂત કરણી સેનાના રાષ્ટ્રીય અધ્યક્ષ સુખદેવ સિંહની હત્યાનું કનેક્શન જાણવા મળી રહ્યું છે. ફૂટેજના આધારે, બે શૂટરોના નામ સામે આવ્યા છે, જેમાંથી એકની ઉદયપુર પોલીસ દ્વારા ધરપકડ કરવામાં આવી હતી.

સુખદેવ સિંહ ગોગામેડી હત્યા કેસમાં પત્ની શીલાએ કેસ દાખલ કર્યો છે. જેમાં આશ્ચર્યની વાત એ છે કે ફરિયાદમાં અશોક ગેહલોત અને રાજસ્થાનના ડીજીપીનો પણ ઉલ્લેખ કરવામાં આવ્યો છે. FIRમાં કહેવામાં આવ્યું છે કે સુખદેવ સિંહ બે વર્ષથી અશોક ગેહલોતની સરકારમાં સુરક્ષાની માંગ કરી રહ્યા હતા, પરંતુ તેમને સુરક્ષા આપવામાં આવી ન હતી.