વગર વિઝાએ ભારતીયો જઈ શકશે ઈરાન, આ શરતો પર સધાઈ સહમતી

• ભારતીય નાગરિકો માટે ઈરાન સરકારેની જાહેરાત
  
• 4 શરતો સાથે વિઝા-મુક્ત મુસાફરી કરશે ભારતીયો
  
• વધુમાં વધુ 15 દિવસ રોકવાની મંજૂરી અપાશે
  

ઈરાન સરકારે 6 ફેબ્રુઆરી મંગળવારના રોજ ભારતીય નાગરિકો માટે દેશમાં વિઝા-મુક્ત મુસાફરી માટેની નવી શરતો જાહેર કરી હતી. ઈરાન સરકારે 4 ફેબ્રુઆરીથી 4 શરતો સાથે ભારતીય નાગરિકોના વિઝા સમાપ્ત કરી દીધા છે. હવે મુસાફરોને માત્ર હવાઈ માર્ગે જ પ્રવેશવાની અને વધુમાં વધુ 15 દિવસ રોકાવાની મંજૂરી આપવામાં આવશે.

વાસ્તવમાં, ગયા વર્ષે ડિસેમ્બરમાં ઈરાને પર્યટનને પ્રોત્સાહન આપવા માટે 33 દેશોના નાગરિકો માટે ઘણી વીઝા ફરજો નાબૂદ કરવાની જાહેરાત કરી હતી. ભારત ઉપરાંત જે દેશોના નાગરિકો માટે ઈરાન સરકારે વિઝા આવશ્યકતાઓ નાબૂદ કરી હતી તેમાં રશિયા, સંયુક્ત આરબ અમીરાત, સાઉદી અરેબિયા, ઈન્ડોનેશિયા, જાપાન, સિંગાપોર, મલેશિયા, બ્રાઝિલ અને મેક્સિકો સહિત કુલ 33 દેશોનો સમાવેશ થાય છે.

ઈરાનના સાંસ્કૃતિક મંત્રી, પર્યટન અને હસ્તકળા મંત્રી એઝાતુલ્લા ઝરઘામીએ પણ કહ્યું કે આ પગલું ભરવા પાછળ સરકારનો ઉદ્દેશ્ય પ્રવાસનને પ્રોત્સાહન આપવાનો હતો, જેથી વધુને વધુ વિદેશી નાગરિકો ઈરાનની મુલાકાતે આવી શકે.

માત્ર 15 દિવસ માટે રહેવાની પરવાનગી અપાશે

ઈરાન સરકારે હવે તેની વિઝા-મુક્ત મુસાફરીની નવી શરતો અંગે તાજેતરનું નિવેદન બહાર પાડ્યું છે. ઈરાની એમ્બેસીએ કહ્યું કે સરકારે 4 ફેબ્રુઆરીથી ભારતીય નાગરિકો માટે 4 શરતો હેઠળ વિઝા નાબૂદ કરી દીધા છે. ઈરાન સરકારનું કહેવું છે કે સામાન્ય પાસપોર્ટ ધરાવતા ભારતીયોને દર 6 મહિનામાં એકવાર વગર વિઝાએ ઈરાનમાં પ્રવેશવાની મંજૂરી આપવામાં આવશે, જેમાં તેમને વધુમાં વધુ 15 દિવસ જ રહેવાની મંજૂરી આપવામાં આવશે. આ સમયગાળો વધુ લંબાવી શકાશે નહીં.

ખાસ કરીને, વિઝા સમાપ્તિના નિયમો ફક્ત હવાઈ માર્ગે ઈરાનમાં પ્રવેશતા ભારતીય નાગરિકોને જ લાગુ પડે છે. આ બાબત માત્ર જોવાલાયક સ્થળો માટે ઈરાન જતા ભારતીયોને પણ લાગુ પડે છે.

ભારતમાં ઈરાની મિશનમાંથી વિઝા મેળવવા જરૂરી છે.

નિવેદનમાં એમ પણ કહેવામાં આવ્યું છે કે જે ભારતીય નાગરિકો લાંબા સમય સુધી ઈરાનમાં રહેવા ઈચ્છે છે અને 6 મહિનાની અંદર બહુવિધ એન્ટ્રી ધરાવે છે અથવા અન્ય પ્રકારના વિઝાની જરૂર છે, તેઓ ભારતમાં ઈરાની મિશનમાંથી જરૂરી વિઝા મેળવી શકે છે.તે કરવું જરૂરી રહેશે.