- દુશ્મનને જાણ થાય તે પહેલા તેનો નાશ કરવા લડાકુ વિમાન તૈનાત કરાયું
- ઈઝરાયલ-હમાસ વચ્ચે છેલ્લા 10 મહિનાથી ભીષણ યુદ્ધ યથાવત્
- અમેરિકાએ મિડલ-ઈસ્ટમાં F-22 ફાઈટર જેટ તૈનાત કર્યું
અમેરિકાએ ઈઝરાયલની રક્ષા કરવા પોતાના સૌથી મોટા બ્રહ્માસ્ત્ર ઉતાર્યું છે. અમેરિકી ફાઈટર જેટ-એફ-22 મિડલ ઈસ્ટમાં દુશ્મનોના મનસુબાઓને નિષ્ફળ બનાવવા તૈયાર છે. ઈઝરાયલ પર ઈરાનના સંભવિત હુમલાને જોતા અમેરિકાએ પોતાના સૌથી એડવાન્સ ફાઈટર જેટને ઈઝરાયલની ધરતી પર ઉતાર્યું છે.
મિડલ ઈસ્ટ પહોંચતા જ આ લડાકુ વિમાને પોતાની ધાક જમાવાની શરૂ કરી દીધી છે. અમેરિકાના સેંટ્રલ કમાન્ડે આપેલી જાણકારી પ્રમાણે ગુરુવારે F-22 ફાઈટર જેટે હૂતિ બળવાખોરોની તરફથી ઝીંકેલી એન્ટી શિપ ક્રૂઝ મિસાઈલને રાતા સમુદ્રમાં ઠાર કરાયો હતો.
જાણો F-22 રેપ્ટરની વિશેષતા
અમેરિકાનું F-22 રેપ્ટર ફાઈટર જેટ હવાથી હવામાં અને હવાથી જમીન પર હુમલો કરવામાં સક્ષમ છે. તે થોડી જ સેકન્ડોમાં દુશ્મનને નિશાન બનાવી શકે છે. તે એટલું અદ્યતન અને ઘાતક છે કે તેની તુલના અન્ય કોઈપણ ફાઈટર એરક્રાફ્ટ સાથે થઈ શકે તેમ નથી. તેના સેન્સર તેને ધમકીઓ શોધવા અને પહેલા પ્રહાર કરવાની મંજૂરી આપે છે. F-22 ફાઈટર જેટ એક સાથે 8 બોમ્બ વડે હુમલો કરી શકે છે, તે આફ્ટરબર્નરનો ઉપયોગ કર્યા વિના સુપરસોનિક એરસ્પીડ પર ઉડી શકે છે.
F-22 પાસે સેન્સર સ્યુટ છે જે પાયલોટને એર-ટુ-એર ધમકીઓ શોધી કાઢવામાં આવે તે પહેલાં તેને ટ્રેક કરવા, ઓળખવા, શૂટ કરવા અને મારી નાખવાની મંજૂરી આપે છે. કોકપિટ ડિઝાઇન અને સેન્સર ફ્યુઝન પાઇલટને પ્રારંભિક ચેતવણી અને હુમલો કરવાની તક આપે છે. તેની રેન્જ 1600 નોટિકલ માઈલ છે અને આ ફાઈટર 50 હજાર ફૂટની ઉંચાઈ પર ઉડી શકે છે. તેની લોડ ક્ષમતા 38 હજાર કિગ્રા છે, જ્યારે તેનું વજન 19700 કિગ્રા છે.
મિડલ ઈસ્ટમાં તણાવ વધી રહ્યો છે- અમેરિકા
અમેરિકા ઈરાનના સંભવિત હુમલાને ધ્યાને લઈ મિડલ ઈસ્ટમાં સતત વૉરશિપ અને લડાકુ વિમાન તૈનાત કરી રહ્યું છે. આ પહેલા યુદ્ધજહાજથી આશરે એક ડઝન લડાકુ વિમાન સૈન્ય અડ્ડા પર પહોંચાડયા હતા. મળતી માહિતી પ્રમાણે F/A-18 અને E-2D હોક આઈ નિરીક્ષણ વિમાન પાંચમી ઓગસ્ટે ઓમાનની ખાડીમાં વિમાન વાહક જહાજથી રવાના થયું છે. આમ મધ્ય પૂર્વ વિસ્તારમાં અજાણ્યા સૈન્ય અડ્ડા પર પહોંચ્યું છે.
અમેરિકાનું આ વૉરશિપ અને લડાકુ વિમાન કેટલા સમય સુધી બેસ પર રેશે આના જવાબમાં એક અમેરિકી અધિકારીએ જણાવ્યું કે, આ હજી નક્કી નથી. આ વિમાનોની તૈનાતીનો સમય આ વાત પર નક્કી કરાશે કે આગામી કેટલાક દિવસોમાં મિડલ ઈસ્ટમાં સ્થિતિ કેવી રહેશે.?
