ગુજરાતના નાયબ મુખ્યમંત્રી (DyCM) હર્ષ સંઘવી આજે ધરમપુર ખાતે યોજાયેલી ચિંતન શિબિરમાં પહોંચ્યા હતા. આ શિબિરમાં રાજ્યના અન્ય મંત્રીઓ પણ જોડાયા હતા. આ મુલાકાતનો મુખ્ય હેતુ શાસન અને વહીવટી સુધારા પર ચિંતન કરવાનો હતો, પરંતુ શિબિર દરમિયાન એક ખાસ કાર્યક્રમનું આયોજન કરવામાં આવ્યું હતું. આ કાર્યક્રમ અમદાવાદને કોમનવેલ્થ ગેમ્સ (CWG) 2030 ની યજમાની મળવા બદલ ઉજવણી કરવા માટે યોજવામાં આવ્યો હતો.
રમતગમત ક્ષેત્રની સિદ્ધિ
DyCM હર્ષ સંઘવી, જેઓ રમતગમત વિભાગ સાથે પણ સંકળાયેલા છે, તેમણે આ સિદ્ધિ બદલ સૌને અભિનંદન પાઠવ્યા હતા અને CWG 2030ના સફળ આયોજન માટે રાજ્ય સરકારની પ્રતિબદ્ધતા વ્યક્ત કરી હતી. ચિંતન શિબિરના ગંભીર માહોલ વચ્ચે આ ઉજવણી કાર્યક્રમે સૌમાં ઉત્સાહનો સંચાર કર્યો હતો. DyCM અને મંત્રીઓએ આ સિદ્ધિને ગુજરાત માટે ગૌરવની ક્ષણ ગણાવી હતી અને રાજ્યમાં રમતગમતનું વિશ્વકક્ષાનું માળખું ઊભું કરવાના પ્રયાસોને બિરદાવ્યા હતા.
આ પણ વાંચો : Valsad News : હર્ષ સંઘવીએ કહ્યું – CWG 2030 ની યજમાની મળવાથી ગુજરાત વૈશ્વિક નકશા પર ચમકશે
