Patan: રૂપપુરના મંદિરમાં ચોરી મુદ્દે ગામના જ શખ્સ સામે ફરિયાદ

ચાણસ્મા તાલુકાના રૂપપુર ગામની અંદર આવેલ બ્રહ્માણી માતાજીનાં મંદિરે દિવા કરવા માટે મંદિરના વહીવટકર્તાના પિતરાઈ ભાઈ જતાં મંદિરનો મુખ્ય દરવાજાના તાળા તુટેલા હોવાનું અને મંદિરની તિજોરીનો લોક તુટેલો જોતાં જ તેમણે વહીવટકર્તા બાબુભાઈ પટેલને જાણ કરતા તેઓ અન્ય લોકો સાથે મંદિર પહોંચ્યા હતા અને તપાસ કરતાં મંદિરના તિજોરી સહિત બંન્ને દાનપેટી તુટેલી હોય અંદરથી આશરે પાંચેક હજારની ચોરી ગામના જ ઠાકોર જીતુભાઈ સોવનજીએ કરી હોવાનું સીસીટીવી કેમેરામાં કેદ થતાં તેની સામે ફરીયાદ નોંધાવી છે. શખ્સ દ્વારા સીસીટીવી કેમેરાના કેબલને પણ નુકસાન પહોંચાડયું હોવાનું ફરીયાદમાં જણાવ્યું છે. આ અંગેની વધુ તપાસ ચાણસ્મા પોલીસે હાથ ધરી છે.

ગુજરાતના વધુ સમાચાર વાંચવા માટે ક્લિક કરો